--Usay ik Saltanat,
ik Raajdhaani Chahiye Thi

Muhabat Mein B Us ko Hukmaraani Chahiye Thi

Bicharrnay Ka Wo Pehle Se Tahayya Kr Chuka Tha

Usay Meri Taraf Se
Bad-gumaani Chahiye Thi

Tu Phir Se Imtihaa'n Pe Imtihaa'n Lene Lga Hy

Hmen Is Umr Main Kuch Mehrbaani Chahiye Thi

Ada mujh ko tha bs ik Sarsari Kirdaar krna

Usay Shohrat ki khaatir ik Kahaani Chahiye Thi

Yehi Tareekh thi,
Tark-e-ta'allaq jb hua tha

Wohi din Hai To Us ki Yaad Aani Chahiye Thi...