Muddat Guzzer gai mager hum pyar hi kertey rahey
Deed k baghair intazar hi kertey rahey
Khoon k rishton mein merey pyar ki zanjeer thi
Khaub mein khayal mein didar hi kertey rahey
Un k liye yeh zindgi her lamha hi mamoor thi
Sitm e zamana daikh ker jaan nisar hi kertey rahey
Sub khauhishon ko hum ney dill mein dafan ker lia
Jivan mein apna hum acha kirdar hi kertey rahey
Jin k liyeh thi zindgi un ka na kuch pata chala
Jeeney k liyeh koshishein baikar hi kertey rahey
Ik zindgi k moor per Aamir ko mili her haber
Phir mout tak hum ankh nam her bar hi kertey rahey
No comments:
Post a Comment