Ab To Yaksaan Hai Hamen, Aanaa Na Jaanaa Eid Ka
Dil Ka Khoon Hotaa Hai Jab Aataa Hai Apnaa Hamko Yaad
Aadhii-Aadhii Raat Tak Menhadii Lagaanaa Eid Ka
Aansoo Aate Hain Bhare Jab Dhyaan Men Guzare Hai Aah
Pichhale Pahar Se Vah Uth-Utha Kar Nahaanaa Eid Ka
Hashr Tak Jaatii Nahiin Khaatir Se Is Hasrat Kii Boo
Itr Baghalon Men Vah Bhar-Bhar Lagaanaa Eid Ka
Honth Jab Hote The Laal, Ab Aankhen Ho Jaatii Hain Surkh
Yaad Aataa Hai Jo Hamko Paan Khaanaa Eid Ka
Dil Ke Ho Jaate Hain Tukarhe Jis Gharhii Aataa Hai Yaad
Eid_Gaah Tak Dil_Baron Ke Saath Jaanaa Eid Ka
Gul_Izaaron Ke Miyaan Milne Kii Khaatir Jab To Ham
Thaan Rakhte The Mahiinon Se Bahaanaa Eid Ka
Ab To Yoon Chhupte Hain Jaise Teer Se Bhaage Ko_Ii
Tab Bane Phirte The Ham Aap Hii Nishaanaa Eid Ka
Niind Aatii Thii Na Hargiz Bhook Lagtii Thii Zaraa
Yah Khushii Hotii Thii Jab Hotaa Thaa Aanaa Eid Ka
Nazeer Akbarabadi
No comments:
Post a Comment