Tuesday, 18 November 2014

Muztar Khairabadi

Na Kisi Ki Aankh Ka Noor Hoon Na Kisi Ke Dil Ka Qaraar Hoon


Kisi Kaam Main Jo Na Aa Sake Main Wo Ik Musht-E-Ghubaar Hoon


Main Nahi Hoon Naghma-E-Jaan-Fizaa Koi Mujh Ko Sun Ke Kare Ga Kiya


Main Barre Birog Ki Hoon Sadaa Main Barre Dukhi Ki Pukaar Hoon


Mera Bakht Mujh Say Bichar Gaya Mera Rang-Roop Bigarr Gaya


Jo Khizaan Main Baagh Ujarr Gaya Main Usi Ki Fasl-E-Bahaar Hoon


Pa-E-Faatiha Koi Aaye Kiun Koi Chaar Phool Charrhaaye Kiun


Koi Shamma Laa Ke Jalaaye Kiun Ke Main Be-Kasi Ka Mazaar Hoon


Na Main Muztar Un Ka Habeeb Hoon Na Main Muztar Un Ka Raqeeb Hoon


Jo Bigarr Gaya Wo Naseeb Hoon Jo Ujarr Gaya Wo Dayaar Hoon...;-)

No comments:

Post a Comment