Jahan Zeb Khan

Waqt ki loh py tehreer kia hy us nay
.
Mein k ik harf tha tafseer kia hy us nay
.
Ab koi moaj bataey lab-e-sahil aa kar
.
Rait say kyun mujhy taamir kia hy us nay
.
Baat karta hun to jhankar sy khof aata hy
.
Mairay alfaz ko zanjeer kia hy us nay
.
Main adam sy yun hi hasti mein nahe aya hun
.
Khuwab hi khuwab tha tabeer kia hy us nay
.
Rooh tak kaat dey aisa lab-o-lehja us ka
.
Harf ko dhal k shamsheer kia hy us nay
.
Daikhny waly bhi hairan sy reh jatay hein
.
Zeb haisat ki wo tasveer kia hy us nay