Rizi ull Deen Razi

Ajab din the mohabbat k.
Ajab mosam the chahat k.
Kabhi agar yad aa jaen to palkon pe ista'are jhimilate hen.
Kisi ki yad min jagna mamool tha apna.
Kabhi agar neend aa jati to hum ye soch lete the.
Abhi to humare waste roya nhi ho ga.
Abhi soya nhi ho ga.
Abhi hum nhi rote.
Abhi hum nhi sote.
So phir hum jagte aur us ko yad karte the.
Akele beth kar wiran dil aabad karte the.
Humare samne taron ki jhurmat min akela chaand hota tha.
Jo is k husn k aage bht hi mand hota tha.
Falak pe raqs karte unginat roshan sitaron ko jo hum tartib dete the.
To us ka nam banta tha.
Hum agle roz jab milte to guzri rat ki har bekali ka zikar karte the.
Har aik qissa sunate the.
Kahan kis waqt kis trah se.
Dil dharka batate the.
Min jab kehta k janaan aaj to rat ko min aik pal nhi soya.
To wo khamosh rehti thi.
Par us ki neend min doobi hoi do jheel si aankhen.
Achanak bol uthti thin.
Min jab us ko batata tha k min ne rat roshan sitaron min tumhara nam dekha he.
To wo kehti thi k tum jhoot kehte ho.
Sitare min ne dekhe hen aur in roshan sitaron min tumhara nam likha tha.
Lagta he ab apne sitare mil hi jaen ge.
Magr us ko khabar kia thi.
Kinare mil nhi sakte.
Mohabbat ki kahani min.
Mohabbat karne wale k.
Sitare mil nhi sakte.