Muslim Saleem

Maghribi bazariyat ki dain yeh haijaan hai
.
Husn-e-niswaan ab faqat tafreeh ka saaman hai
.
Makr aaraish hai is ki jhot is ki shaan hai
.
Mat bahak jaana yeh gora media shaitaan hai
.
Khud to goya qatl-0-gharat zulm say anjaan hai
.
Har burai kay liye islaam par ilzaam hai
.
Us ki harza'goiyon par muhr-e-istehsaan hai
.
Ham nay gar kuch keh diya to har taraf tofan hai
.
Haq pay jeena haq pay mar mitna hi us ki shaan hai
.
Sach to yeh dahr main muslim hi bas insaan hai