chand ki chaudhween raat hai, uper dekho
raat soi hui raa'naiyon ney mujh se kaha
hum tumhari hi ghazal hain kabhi hum ko bhi kaho
chandni raat main keh jati hai aahat jaisay
hum bohat paas hain aawaz na do, hum ko suno
jis sey umeed-e-wafa hogi wohi dukh dai ga
beywafa jaan kay chaho jisay ab kay chaho
us ki qudrat main nahi ruk kay koi baat sunay
waqt aawaz hai aawaz ko aawaz na do
muntazir kab sey hain auraaq-e-kitab-e-hasti
dil ka kuch rang kero nok-e-qalam ko chumo
aik aawaz bohat kafi hai sotay k liye
log samjhain gay baney laitay ho ab jaag pero
aaj kamrey main nahi bethnay wala mausam
berf girnay ki khabar garm hai ab jaag pero
No comments:
Post a Comment