Khabar bhi hai ke muhabbat gulaab hoti hai
.
Laho0 ke rang se ulfat gulaab hoti hai
.
Hazaar us ko chupao magar mahakti hai
.
Dilon ki kyari mein chahat gulaab hoti hai
.
Yeh seh na payen ge baad-e-sam0m nafrat ki
.
Taluqaat ki fitrat gulaab hoti hai
.
Khyal ban ke meri khar'zaar hasti mein
.
Tum aate ho to tabe'at gulaab hoti hai
.
Yeh aarzo koi muslim pe hi nahen mauqof
.
Har aik shakhs ki hasrat gulaab hoti hai
No comments:
Post a Comment