Poet Wasi Shah

Tabeeb ban kar jo aa gaye ho mein neem'jaan tha to tum kahan thay?
.
Tumhari ulfat ki be'hisi pay mein na'khawan tha to tum kahan thay?
.
Har ek gul tha khizaan raseeda, k aag har su lagi huyi thi
.
Bahaar ayi to aa gaye ho yahan dhuwaan tha to tum kahan thay?
.
lahoo se diye jalaaye to phir kahin se ye sehar bhi aayi
.
Andhaira jab tak taveel raaton ka hukmaran tha to tum kahan thay?
.
Shaoor-e-guftaar aa gaya hay, na mere lehjay mein zehr gholo
.
Mujhe ab apni zubaan mili hay, mein be'zubaan tha to tum kahan thay?

Book Chain Aye Mujhe