ab to ham log gaye deedaa-e-bekhwaab se bhii
ro paRaa huN to koii baat hii aisii hogii
maiN ke waaqif thaa tere hijr ke aadaab se bhii
kuch to us aaNkh kaa shaivaa hai KHafaa ho jaanaa
aur kuch bhuul huii hai dil-e-betaab se bhii
ai samandar kii havaa teraa karam bhii maaluum
pyaas saahil kii to bujhtii nahiiN sailaab se bhii
kuch to us husn ko jaane hai zamanaa saara
aur kuch baat chalii hai mere ehbaab se bhii
dil kabhi gham k samndr ka shanawar tha Faraz
ab to khauf aata hai ik mouja e payaab se bhii
Ahmed Faraz
Dard Aashoob Page 40
No comments:
Post a Comment