magar dil kii udaasii kam nahiiN hai
hameN bhii yaad hai vo marg-e-tamannaa
magar ab fursat-e-maatam nahiiN hai
havaa-e-qarb-e-manzil kaa buraa ho
firaaq-e-hamsafar kaa Gham nahiiN hai
junuun-e-paarsaai bhii to naaseh
merii deevaangii se kam nahiiN hai
ye kyaa gulshan hai, jis gulshan meN logoN
bahaaroN kaa koi mausam nahiiN hai
qayaamat hai ke har mai-Khwaar pyaasaa
magar koi hariif-e-jam nahiiN hai
saliiboN pe khiiNche jaate haiN lekin
kisii ke haath meN parcham nahiiN hai
Faraz is qaht-zaar-e-raushnii meN
chiraaghoN ka dhuuaaN bhii kam nahiiN hai
Ahmed Faraz
Janaan Janaan Page 66
No comments:
Post a Comment