aaj kyaa jaaniye kyaa yaad aayaa
phir koi haath hai dil par jaise
phir teraa ahd-e-vafaa yaad aayaa
jis tarah dhuNdh meN lipTe hue phuul
aik ek naqsh teraa yaad aayaa
aisii majboorii ke aalam meN koii
yaad aayaa bhi to kyaa yaad aayaa
ai rafiiq sar-e-manzil jaakar
kyaa koii aablaapaa yaad aayaa
yaad aayaa thaa bichaRnaa teraa
phir nahiiN yaad ke kyaa yaad aayaa
jab koii zakhm bharaa daaGh banaa
jab koi bhuul gayaa yaad aayaa
ye muhabbat bhii hai kyaa rog Faraz
jis ko bhuule vo sadaa yaad aayaa
Ahmed Faraz
Dard Aashoob Page 57
No comments:
Post a Comment