armaan mere dil kaa nikalane nahin dete
Khaatir se terii yaad ko Talane nahin dete
sach hai ki hamin dil ko sanbhalane nahin dete
kis naaz se kahate hain vo jhunjhalaa ke shab-e-vasl
tum to hamen karavaT bhii badalane nahin dete
paravaanon ne faanuus ko dekhaa to ye bole
kyon ham ko jalaate ho ki jalane nahiin dete
hairaan huN kis tarah karuN arz-e-tamannaa
dushman ko to pahaluu se vo Talane nahiin dete
dil vo hai ki fariyaad se lab_rez hai har vaqt
ham vo hain ki kuch muuNh se nikalane nahiin dete
garmii-e-mohabbat men vo hai aah se maane'
pankhaa nafas-e-sard kaa jhalane nahiin dete
No comments:
Post a Comment