Jhon Elia

Kitane aish uraate hon ge kitane itaraate hon ge
.
Jaane kaise log vo hon ge jo us ko bhaate hon ge
.
Us ki yaad ki baad-e-saba men aur to kya hota ho ga
.
Yun hi mere baal hain bikhare aur bikhar jaate hon ge
.
Band rahe jin ka daravaza aise gharon ki mat pucho
.
Divaaren gir jaati hon gi aangan rah jaate hon ge
.
Meri saans ukharate hi sab bain karen ge roen ge
.
Yaani mere baad bhi yaani saans liye jaate hon ge
.
Yaaro kuch to baat bataao us ki qayaamat baahon ki
.
Wo jo simatate hon ge in men vo to mar jaate hon ge