Khushbir Singh Shaad

Bas apni kahani mein zinda raho
.
Isi khush'gumani mein zinda raho
.
Agr tashnagi ki yahi shart hai
.
To ik gho0nt pani mein zinda raho
.
Jahaan bolney ki saza maut ho
.
Wahan be'zabani mein zinda raho
.
Gham0n ka tasalsul hai ye zindagi
.
Gham0n ki rawaani mein zinda raho
.
Inhin wusaton mein maro umr bhar
.
Isi be'karani mein zinda raho
.
Yaqeenan faram0sh hona hai shaad
.
Kisi bhi kahaani mein zinda raho