Re: Akbar AllaBadi

Hafiz Khuram <mubashir_rg@yahoo.com> wrote:

>Duniyaa men huN duniyaa kaa talab_gaar nahin huN
>baazaar se guzaraa huN Khariidaar nahin huN
>
>zindaa huN magar ziist ki lazzat nahin baaqii
>har chand ki huN hosh men hoshiyaar nahin huN
>
>is Khaanaa-e-hasti se guzar jaauNgaa belaus
>saayaa huN faqat naqsh-e-diivaar nahin huN
>
>afasurdaa huN ibarat se davaa kii nahin haajat
>Gam kaa mujhe ye zauf hai biimaar nahin huN
>
>vo gul huN KhizaN ne jise bar_baad kiyaa hai
>uljhuN kisi daaman se main vo Khaar nahin huN
>
>yaarab mujhe mahafuus rakh us but ke sitam se
>main us kii inaayat kaa talab_gaar nahin huN
>
>afasurdagi-o-jaur ki kuch had nahin "Akbar"
>kaafir ke muqaabil men bhi din_daar nahin huN