Wo apne ghar chalaa gayaa afsos mat karo
Itna hi us ka saath tha afsos mat karo
Insaan apne aap mein majboor hai bahut
Koi nahin hai bewafa afsos mat karo
Is baar tum ko aane mein kuch der ho gayi
Thak haar key wo so gaya afsos mat karo
Is zindagi key mujh pe kai qarz hein magar
Main jald laut aaun ga afsos mat karo
Ye dekho phir se aa gayin phoolon pe titliyan
Ek roz wo bhi aaye ga afsos mat karo
No comments:
Post a Comment