Aik shahks hai abad mery khawab-e-nagar mein
Dekhti hai jhalak us ke mujhe shams-o-qamar mein
Aik rang-e-tabsum hai k mehki hain fazaien
Aik khuwab ke khushbo hai k rahte hai safar mein
Aik raat meri aur bhe kat jaye sakon se
A jaye tera khuwab agr pichley pehar mein
Aik shahks muhabbat mein ujalon ke tarha hai
Mushkil mujhe dar'paish nahe koi safar mein
Kuch lafz miley aur k tareef teri ho
Kuch aur azafa ho mery fan mein hunar mein
Aik shahks ke hasrat bhe mujhe khaye howe hai
Aik yaad ke kasrat hai mery shaam-o-shair mein
Ye khuwab hai yah khuwab ke tabeer hai qaisar
Aik rang ke tasveer jo rahte hai nazar mein
No comments:
Post a Comment