Wo haqeeqat ko chupay ga gumaan bole ga
Aaina ho k wo pather ke zubaan bole ga
Koi to zakhm mera paas-e-wafa rakhe ga
Zabat tota bhe to har dard kahan bole ga
Khof-e-qatil se gawahon ne biyaan badala
Aaiino pe mery khon ka nishaan bole ga
Aap rahne de hamayat mein meri kuch na kahen
Aap bole gay to phir sara jahan bole ga
Laakh logon mein kare baith k baatein meri
Sach mery samne aa kar wo kahan bole ga
Ham to karte hain tery haq mein duaien qaisar
Aik din tera bhi aandaze'bayaan bole ga
No comments:
Post a Comment