Mirza Ghalib

Arz-e-niyaz-e-ishq ke qabil nahin raha
.
Jis dil pe naaz tha mujhe vo dil nahin raha
.
Jata hun daag-e-hasarat-e-hasti liye hue
.
Hun shama-e-kushta dara'Khur-e-mahafil nahin raha
.
Marane ki ai dil aur hi tadabir kar ki main
.
Shayan-e-dast-o-baazu-e-qaatil nahin raha
.
Ba-ru-e-shash jihat dar-e-aaina baaz hai
.
Yaan imtiaz-e-na'kis-o-qaamil nahin raha
.
Wa kar diye hain shauq ne band-e-naqaab-e-husn
.
Gair az nigaah ab koi hail nahin raha
.
Go main raha rahin-e-sitam haye rozagar
.
Lekin tere Khayal se Gaafil nahin raha
.
Dil se hawa-e-kisht-e-vafa mit ke waan
.
Hasil sivaye hasrat-e-haasil nahin raha
.
Bedaad-e-ishq se nahin Darata magar 'Asad'
.
Jis dil pe naaz tha mujhe wo dil nahin raha