Muslim Saleem

Wo door kay hon diwaane ke hon qareeb k log
.
Hain madha'khwaan usi paikar-e-ajeeb k log
.
Hain kaar'zaar kai aur bhi zamaane main
.
Hilaal hi say ulajhtay hain kyon saleeb k log
.
Saron ki ginti nay aakhir kiya use ruswa
.
Ameer-e-shehr pay bhari paray ghareeb k log
.
Jahan mein dhom hai jin ki yaraf nigaahi ki
.
Dikhaye kyon nahe detay unhen qareeb k log
.
Gul-e-kham0sh ka deta nahin hai sath koi
.
Hain sare hashiya bardaar andaleeb k log
.
Nazar bacha kay ham us dilruba say mil aaye
.
Gali mein ghomtay phirtay rahe raqeeb k log
.
Watan say aj chala hon ye soch kar muslim
.
Kahen to mujh ko milen gay meray naseeb k log