Mirza Ghalib

Wo aake Khwab men taskin-e-iztirab to de
.
Wale mujhe tapish-e-dil majaal-e-Khwaab to de
.
Kare hai qatl lagawat men tera ro dena
.
Teri tarah koi teG-e-nigaah ko aab to de
.
Dikha ke jumbish-e-lab hi tamam kar ham ko
.
Na de jo bosa to munh se kahin jawab to de
.
Pila de oak se saaqi jo ham se nafrat hai
.
Pyala gar nahin deta na de sharaab to de
.
'Asad' Khushi se mere haath paanw phul gae
.
Kaha jo us ne zara mere paanw daab to de